Páskaandinn mun svífa yfir Siglufirði þegar blakfélagið stendur fyrir svokölluðu páska-paramóti föstudaginn langa, 3. apríl. Mótið fer fram í íþróttahúsinu á Siglufirði og er markmiðið að bjóða upp á létta og skemmtilega stund yfir páskana.

Mæting er klukkan 15:30 og dagskrá stendur til 17:30 og þátttökugjald er 2.500 krónur á mann. Leikið verður í pörum þar sem skipað er í lið með fyrirkomulaginu kona og kona eða karl og kona.

Skráning fer fram með því að senda tölvupóst á netfangið bf.blak@gmail.com eða með skilaboðum á Messenger til Ásu Guðrúnar.

Mótið er styrkt af Segli 67 og Sigló Hóteli og er öllum áhugasömum bent á að nýta tækifærið til að taka þátt í léttu og skemmtilegu móti í góðum félagsskap á sjálfum föstudeginum langa.